26

عمران خان کا کوئی سیاسی مستقبل نہیں: بلاول بھٹو زرداری

عمران خان کا کوئی سیاسی مستقبل نہیں: بلاول بھٹو زرداری
اسلام آباد (نیوزمارٹ) چیئرمین پیپلز پارٹی بلاول بھٹو زرداری نے کہا ہے کہ غیر معمولی معاشی تباہی پھیلانے والے عمران خان کا کوئی سیاسی مستقبل نہیں۔ اپنے بیان میں بلاول بھٹو زرداری نے کہا کہ معاشی ترقی کے جھوٹے دعوے پر پی ٹی آئی حکومت کو شرم آنی چاہئیے۔ انہوں نے کہا نے کہا کہ خیبرپختون خوا میں شرح غربت 27 فیصد پر پہنچ چکی ہے جبکہ سندھ میں پی پی کی حکومت میں شرح غربت میں 7.6 فیصد کمی ہوئی۔ انہوں نے کہا کہ سندھ کی فی کس آمدنی بھی ملک بھر میں سب سے زیادہ ہوچکی ہے، ایک جانب ملک میں غربت کی شرح میں اضافہ ہورہا ہے اور دوسری جانب عمران خان ریٹائرڈ ملازمین کی پینشن پر بھی ٹیکس لگانا چاہتے ہیں۔ا±نہوں نے کہا کہ ہم ریٹائرڈ ملازمین سے پینشن پر 10 فیصد ٹیکس لینے کا منصوبہ مسترد کرتے ہیں۔ انہوں نے کہا کہ پیپلز پارٹی عمران خان کی عوام دشمن پالیسیوں کا ہر فورم پر مقابلہ کرے گی۔بلاول بھٹو نے مزید کہا کہ عمران خان کو آزمانے والوں نے پاکستان کے عوام کو بدترین آزمائش میں مبتلا کردیا ہے۔

اس خبر پر اپنی رائے کا اظہار کریں

اپنا تبصرہ بھیجیں