لاہور(نیوزمارٹ ڈیسک)پنجاب بھر میں پیٹرول کا شدید بحران پیدا ہوگیا ہے اور متعدد پیٹرول پمپس بند کردیئے گئے ہیں،نجی ٹی وی کے مطابق پنجاب کے مختلف شہروں میں پٹرول کا بحران شدید ہونے لگا ہے، اور مختلف اضلاع میں پیٹرول پمپس بند کردیئے گئے ہیں، جب کہ چند پمپس پر موٹرسائیکل سواروں کو صرف 100روپے تک کا پیٹرول دیا جارہا ہے،ضلع گوجرانوالہ میں 90فیصد پیٹرول پمپس بند کر دیے گئے ہیں، اور شہری سڑکوں پر دربدر ہیں، جب کہ چند پیٹرول پمپس پر عوام کا نہ ختم ہونے والا رش لگنے سے ٹریفک معطل ہوگئی ہے،خان پور میں پیٹرول پمپس 3روز سے بند ہیں اور شہر میں صرف ایک پمپ کھلا ہے، جہاں فی موٹرسائیکل صرف سو روپے کا پٹرول فراہم کیا جا رہا ہے، اور سو روپے کا پٹرول لینے کے لیے بھی شہری قطار در قطار موجود ہیں۔ پٹرول نہ ملنے کے باعث شہری مارے مارے پھرنے لگے ہیں،شکرگڑھ میں بھی پٹرول نایاب ہوگیا ہے، اور پیٹرول کی قلت کے سبب اسکولوں و دفاتر میں حاضری نہ ہونے کے برابر ہے، جب کہ سڑکوں پرٹرانسپورٹ میں نمایاں کمی دیکھی جارہی ہے،شہریوں کا کہنا تھا کہ کچھ پمپس مالکان بلیک میں پٹرول فروخت کر رہے ہیں۔ جب کہ ڈیلرز کا کہنا تھا کہ پیٹرول کی مقدارکمپنیوں سے ہی کم مل رہی ہے۔
24
