ملتان (نیوزمارٹ ڈیسک ) پاکستان سپر لیگ ( پی ایس ایل ) کے 8 ویں ایڈیشن کے افتتاحی میچ میں دفاعی چیمپئن لاہور قلندرز نے ملتان سلطانز کو 1 رن سے شکست دے کر ایونٹ میں فاتحانہ ا?غاز کر لیا، ملتان سلطانز 176 رنز کے ہدف کے تعاقب میں مقررہ 20 اوورز میں 6 وکٹوں پر 174 رنز بناسکی، فاتح ٹیم کے کھلاڑی فخر زمان پلیئر آف دی میچ قرار پائے۔ملتان کرکٹ سٹیڈیم میں کھیلے گئے پہلے میچ میں لاہور کی جانب سے دیے گئے 176 رنز کے ہدف کے تعاقب میں محمد رضوان اور شان مسعود نے اننگز کا آغاز کیا لیکن شان 100 کے مجموعے پر 35 رنز بنا کر آو¿ٹ ہوگئے، محمد رضوان نے ذمہ دارانہ بیٹنگ کا سلسلہ جاری رکھتے ہوئے اپنی ففٹی مکمل کی لیکن پھر وہ بھی 75 رنز بنا کر شاہین شاہ آفریدی کی گیند پر بولڈ ہوگئے۔رضوان کے آو¿ٹ ہونے کے بعد ڈیوڈ ملر 20 گیندوں پر 25 رنز بناکر پویلین لوٹے جبکہ پولارڈ بھی 12 گیندوں پر 20 رنز بناکر ٹیم کا ساتھ چھوڑ گئے تاہم میچ کے اختتامی مراحل میں خوشدل شاہ نے کچھ مزاحمت کی۔اننگ کی آخری 2 گیندوں پر ملتان سلطانز کو جیت کے لیے 10 درکار تھے لیکن خوشدل شاہ ان دونوں گیندوں پر صرف باو¿نڈری ہی لگا سکے اور یوں میزبان ٹیم صرف 1 رنز شکست کھا گئی۔فاتح ٹیم کی جانب سے شاہین آفریدی، حارث رو¿ف ، زمان خان اور حسین طلعت نے ایک ، ایک وکٹ حاصل کی۔قبل ازیں لاہور قلندرز نے 6 وکٹوں پر 175 رنز بنائے تھے، فخر زمان اور طاہر بیگ نے اننگز کا آغاز کیا ، 61 کے مجموعی سکور پر طاہر بیگ 32 رنز بنا کر آو¿ٹ ہو گئے جبکہ فخر زمان نے ٹورنامنٹ کی پہلی ففٹی سکور کی اور 66 رنز بنا کر اسامہ میر کی گیند پر ا?و¿ٹ ہوئے، شائی ہوپ 19 اور کامران غلام 3 رنز کی اننگ کھیل سکے۔
29
