اسلام آباد (آئی این پی ) پاکستان پیپلز پارٹی کی نائب صدر اور سینیٹر شیری رحمان نے کہا ہے کہ عدالت عمران خان کو بلائے تو کہتے ہیں ڈاکٹر نے آرام کا مشورہ دیا ہے، آصف علی زرداری ہسپتال سے عدالتوں میں پیش ہوتے تھے، عمران کیلئے الگ اور دوسروں کیلئے الگ قانون کا سلسلہ اب بند ہونا چاہیے۔ سماجی رابطے کی ویب سائٹ ٹوئٹر پر اپنے پیغام میں سینیٹر شیری رحمان نے کہا کہ عمران خان جیل بھرو تحریک کیلئے خود کو اور اپنے پارٹی رہنماوں کو نہیں بلکہ ورکرز کو آگے کر رہے ہیں، ، عمران خان ہمت کریں اور جیل بھرو تحریک کی قیادت کریں، اپنے کارکنان کی حوصلہ افزائی کیلئے جیل جانے میں پہل کریں۔
30
