32

عمران خان کا بل گیٹس سے ٹیلیفونک رابطہ، پولیو کا خاتمہ حکومت کی قومی ترجیح قرار

اسلام آباد(ویب ڈیسک ) وزیراعظم عمران خان نے بل گیٹس سے رابطے میں بل گیٹس فاؤنڈیشن کےمعاشی ترقی کے کام کو سراہتے ہوئے کہا پولیو کا خاتمہ حکومت کی قومی ترجیح ہے۔

تفصیلات کے مطابق وزیراعظم عمران خان کا مائیکروسافٹ کے بانی بل گیٹس سے ٹیلیفونک رابطہ ہوا ، جس میں پولیوکےخاتمے ، کورونا اور صحت سے متعلق امور پر بات چیت کی گئی۔

وزیراعظم نے بل گیٹس فاؤنڈیشن کےمعاشی ترقی کے کام کو سراہتے ہوئے کہا پولیو کا خاتمہ حکومت کی قومی ترجیح ہے، کورونا کے باوجود پولیو کے خاتمے کی بھرپورمہم جاری رکھی ہے، مہم میں 33 ملین بچوں کوقطرے پلائے گئے۔

بل گیٹس نےاس قومی مقصد کے لئے وزیر اعظم عمران خان کا شکریہ اداکیا، وزیر اعظم نے کوروناتیسری لہر پر قابو پانے کیلئے پاکستان کی کوششوں پر روشنی ڈالی اور مائیکروسافٹ کو آئی ٹی شعبے میں وسعت کیلئے کردار ادا کرنے پر زور دیا۔

یاد رہے گذشتہ ماہ کے آخر میں آرمی چیف جنرل قمر جاوید باجوہ اور مائیکرو سافٹ کے شریک بانی بل گیٹس کے درمیان ٹیلی فونک رابطہ ہوا تھا ، جس میں آرمی چیف نے کہا تھا پولیو کا خاتمہ اور کرونا وبا کی روک تھام قومی کاز اور کوشش ہے، پاکستان سے جب تک پولیو ختم نہیں ہو جاتا، کامیابی قرار نہیں دے سکتے۔

بل گیٹس نے قومی پولیو مہم میں پاک فوج کے تعاون کی خصوصی تعریف کرتے ہوئے کہا تھا کہ پاک فوج کے تعاون سے قومی پولیو مہم کے بہتر نتائج آئے ہیں۔

اس خبر پر اپنی رائے کا اظہار کریں

اپنا تبصرہ بھیجیں