31

پاکستان ٹی وی کے معروف سینئر اداکار انور اقبال شدید علیل، دعائے صحت کی اپیل

کراچی (نیوزمارٹ ڈیسک) پاکستان ٹی وی کے لیجنڈ اداکار تمغہ امتیاز انور اقبال ان دنوں علالت کے باعث مقامی اسپتال میں زیرعلاج ہیں، ان کے ایل خانہ نے مداحوں سے ان کی صحیبابی کیلئے دعاؤں کی اپیل کی ہے۔
تفصیلات کے مطابق ممتاز اور سینئر ٹی وی آرٹسٹ انور اقبال جو ٹی وی کے متعدد سیریلز اور تاریخی ڈرامہ سیریز میں یادگار کردار ادا کر چکے ہیں ، وہ کئی دنوں سے شدید بیمار ہیں۔
انور اقبال کے اہل خانہ نے ان کے تمام مداحوں سے خصوصی گزارش کی ہے کہ ان کی جلد صحتیابی کے لئے دعا کی جائےاور اللہ پاک انہیں جلد کامل صحت عطا فرمائے۔

انور اقبال پاکستان کے ایک تجربہ کار ٹیلی ویژن اداکار اور ہدایتکار ہیں جنہوں نے سپر ہٹ پاکستانی ڈرامہ سیریز “شمع” سے شہرت حاصل کی۔ اس کے بعد انہوں نے 1980 کی دہائی کے اوائل میں نسیم حجازی کے ناول “آخری چٹان” میں اداکاری کے جوہر دکھائے تھے۔

یاد رہے کہ پنجاب کی موجودہ حکومت نے گزشتہ سال مارچ 2019میں اداکار انور اقبال کی فنی خدمات کے اعتراف میں تقریب پذیرائی کا انعقاد کیا تھ، جس کے مہمان خصوصی سابق صوبائی وزیراطلاعات فیاض الحسن چوہان تھے۔

آرٹس کونسل کراچی اور الحمراء آرٹس کونسل لاہور کے تعاون سے منعقد کی جانے والی تقریب میں کراچی سے اسلم محمود دہلوی ،ثاقب اسلم، آرکے نیر، راجہ ناصر، ایم الیاس، قیصر جاوید اور سلیم گڈو نے بھی خصوصی شرکت کی۔

اس خبر پر اپنی رائے کا اظہار کریں

اپنا تبصرہ بھیجیں