59

پاکستان بھر میں ویڈیو شیئرنگ کی مقبول ایپلی کیشن ٹک ٹاک پر پابندی عائد

کراچی (نیوزمارٹ ڈیسک)سندھ ہائیکورٹ نے ملک بھر میں ٹک ٹاک پر پابندی عائد کرتے ہوئے ایپلی کیشن کو فوری طور پر ‏معطل کرنے کا حکم دے دیا۔

مختصر ویڈیو شیئرنگ کی مقبول ایپلی کیشن ٹک ٹاک پر غیر اخلاقی مواد اپلوڈ کرنے کے خلاف ‏درخواست پر سندھ ہائیکورٹ نے حکم جاری کر دیا۔

بیرسٹر اسد اشفاق کی جانب سے دائر کی گئی درخواست میں موقف اپنایا گیا کہ ٹک ٹاک پر غیر ‏اخلاقی ،غیر اسلامی مواد رکھا جارہا ہے اور پی ٹی اے کو شکایت دی تاحال کارروائی نہیں ہوئی۔

درخواست گزار کے مطابق پشاور ہائیکورٹ بھی وارننگ جاری کرچکی ہے اس کے باوجود پی ٹی اے ‏غیراخلاقی موادہٹانےمیں کامیاب نہ ہوئی۔

عدالت نے درخواست گزار کا موقف سننے کے بعد مختصر فیصلہ سناتے ہوئے ملک بھر میں ٹک ‏ٹاک پر پابندی عائد کرتے ہوئے ایپلی کیشن کو فوری طور پر معطل کرنے کا حکم دے دیا۔

سندھ ہائیکورٹ نے اٹارنی جنرل و دیگر کو نوٹس جاری کرتے ہوئے 8 جولائی تک جواب طلب کر ‏لیا

اس خبر پر اپنی رائے کا اظہار کریں

اپنا تبصرہ بھیجیں