37

قرض کی قسط کے حصول کیلئے،پاکستان اورآئی ایم ایف کے درمیان مذاکرات جاری ،

اسلام آباد(نیوزمارٹ ڈیسک)ایک ارب ڈالرقرض کی قسط کے حصول کیلئے پاکستان کےآئی ایم ایف کے ساتھ مذاکرات جاری ہے ، مذاکرات رواں ہفتے تک جاری رہیں گے۔تفصیلات کے مطابق ایک ارب ڈالرقرض کی قسط کیلئے پاکستان اورآئی ایم ایف کے درمیان مذاکرات جاری ہے ، ذرائع وزارت خزانہ کا کہنا ہے کہ آئی ایم ایف حکام کیساتھ چھٹے ،7ویں دورکے مذاکرات کا آغاز ہوا ہے، سیکریٹری خزانہ، چیئرمین ایف بی آرمذاکرات میں شریک ہیں۔ذرائع نے بتایا ہے کہ آئی ایم ایف حکام رواں مالی سال کےدوران معاشی اہداف کاجائزہ لیں گے اور بجٹ میں رکھےگئےٹیکس اہداف،معاشی گرؤتھ کاجائزہ لیا جائے گا۔ذرائع کے مطابق چیئرمین ایف بی آر ،آئی ایم ایف حکام کومحصولات کے اہداف اور سیکریٹری خزانہ آئی ایم ایف حکام کو معاشی صورتحال پر بریفنگ دیں گے۔آئی ایم ایف حکام کیساتھ مذاکرات رواں ہفتے تک جاری رہیں گے، آئی ایم ایف حکام توانائی شعبےکےگردشی قرضہ کا بھی جائزہ لیں گے پاکستان اور آئی ایم ایف کے درمیان 6ارب ڈالر قرض کا معاہدہ تعطل کا شکار تھا۔

اس خبر پر اپنی رائے کا اظہار کریں

اپنا تبصرہ بھیجیں