36

پاک فوج ملک کو درپیش کسی بھی چیلنج کا مقابلہ کرنے کی صلاحیت رکھتی ہے، آرمی چیف

راولپنڈی(نیوزمارٹ ڈیسک)چیف آف آرمی اسٹاف جنرل قمر جاوید باجوہ نے کہا ہے کہ پاک فوج ملک کو درپیش کسی بھی چلینج سے مقابلہ کرنے کی صلاحیت رکھتی ہے۔پاک فوج کے شعبہ تعلقاتِ عامہ (آئی ایس پی آر) کے مطابق چیف آف آرمی اسٹاف جنرل قمر جاوید باجوہ نے سدرن کمانڈ ہیڈکوارٹرز ملتان کا دورہ کیا اور فیلڈ فار میشن کی تربیتی مشقوں کا مشاہدہ کیا۔آرمی چیف نےجوانوں کی پیشہ ورانہ صلاحیتوں اور عزم کی تعریف کی۔ اس موقع پر جنرل قمر جاوید باجوہ کو آپریشنل، تربیتی، انتظامی امورپر بریفنگ دی گئی۔آئی ایس پی آر کے مطابق آرمی چیف نے بعد ازاں کوٹ عبدالحکیم اسٹرائیک کور کی مشقوں کا مشاہدہ بھی کیا۔ تربیت میں حصہ لینے والے جوانوں نے بڑی آبی گزرگاہوں کو جارحانہ حکمت عملی کے تحت عبور کرنےکا بھی مظاہرہ کیا۔چیف آف آرمی اسٹاف نے کہا کہ پاک فوج تربیت یافتہ اور جنگی امور کا وسیع تجربہ رکھتی ہے اور ملک کو درپیش کسی بھی چیلنج کا مقابلہ کرنےکی صلاحیت رکھتی ہے۔انہوں نے کہا کہ جدید ٹیکنالوجی سےلیس تربیت یافتہ فوج ہی ملک کادفاع کرسکتی ہے، مشقوں سے جوانوں کےحوصلے،پیشہ ورانہ مہارتوں میں نکھار آتا ہے۔

اس خبر پر اپنی رائے کا اظہار کریں

اپنا تبصرہ بھیجیں