34

آپ کولگ رہا ہے مہنگائی ہورہی ہے،پاکستان اب بھی سستا ترین ملک ہے،شوکت ترین

اسلام آباد(نیوزمارٹ ڈیسک)مشیر خزانہ شوکت ترین نے کہا کہ تیل کی قیمتوں سے یہی لگ رہا ہے کہ مہنگائی ہو رہی ہےمگر قوت خرید کی تفصیلات کے مطابق پاکستان اب بھی سستا ترین ملک ہے۔ تفصیلات کے مطابق میڈیا سے گفتگو کرتے ہوئے شوکت ترین نے کہا کہ سعودی عرب سے ملنے والی رقم کا آئی ایم ایف سے کوئی تعلق نہیں، آئی ایم ایف سے معاہدے کے قریب پہنچ گئے ہیں، ایک دو دن میں طے ہوجائےگا،سعودی عرب نے 4اعشاریہ 2 ارب ڈالر کا پیکج دیا ہے، رقم ملنا ہمارے لیے مفید ہے۔ انہوں نے کہا سعودی عرب سے پیسہ اور تیل انہی شرائط پر ملا جو پہلے تھیں۔انہوں نے کہا کہ آئی ایم ایف سے معاہدے کے قریب پہنچ گئے ہیں، مجھ سے یقین دہانی لے لیں، ایک آدھ چیز ہے جس پر ہماری بحث ہو رہی ہے، وہ بھی ایک دو دن میں طے ہوجائے گی، کچھ اور چیزیں ہیں جنہیں زیر بحث نہیں لانا چاہتے۔انہوں نے کہا کہ میں جب واشنگٹن سے نکلا تھا تو جنرل ایگریمنٹ کرکے نکلا تھا، ایسے نہیں نکلا،میں واشنگٹن سے نیویارک آیا تھا، نیویارک سے واپس واشنگٹن گیا تھا۔انہوں نے کہاکہ آئی ایم ایف سے معاہدہ ہوجائے گا اور مارکیٹ میں مثبت اثرات آئیں گے۔ وفاقی وزیر توانائی حماد اظہر نے کہا کہ کورونا کے باعث مہنگائی دنیا بھر میں آئی ہے، عالمی منڈی میں ہر چیز کی قیمتیں تین گنا بڑھی ہیں، گیس کی قیمتیں 2019 کے بعد اب بڑھائی ہیں۔انہوں نے کہاکہ یورپ میں گیس کی قیمتوں میں5 سے 10 فیصد اضافہ ہوا ہے، چند ممالک کے علاوہ پاکستان میں تیل کی قیمتیں سب سے کم ہیں۔

اس خبر پر اپنی رائے کا اظہار کریں

اپنا تبصرہ بھیجیں