20

یو ایس ڈالر کی قیمت میں مزید کمی،172 روپے سے کم ہو کر171 روپے80 پیسے

کراچی(نیوزمارٹ ڈیسک)کاروباری ہفتے کے آخری روز ڈالر کی قیمت میں مزید کمی دیکھی گئی، امریکی ڈالر 172 روپے سے کم ہو کر 171 روپے 80 پیسے کا ہوگیا۔تفصیلات کے مطابق امریکی ڈالر کی قدر میں کمی کا سلسلہ جاری ہے، انٹر بینک میں ڈالر کی قدر میں 46 پیسے کمی دیکھی گئی۔انٹر بینک میں ڈالر 172 روپے 26 پیسے سے کم ہو کر 171 روپے 80 پیسے کا ہوگیا۔ گزشتہ روز کاروبار کے اختتام پر انٹر بینک مارکیٹ میں ڈالر کی قیمت 172 روپے 78 پیسے تھی۔ ڈالر کی قیمت میں یہ کمی سعودی عرب کے پاکستان کو 3 ارب ڈالر دینے کی منظوری کے بعد ہورہی ہے، سعودی عرب 1.20 ارب ڈالر تیل کی تاخیر سے ادائیگی کی سپورٹ میں بھی دے رہا ہے۔پاکستان کو سعودی عرب سے 4.20 ارب ڈالر کی سپورٹ ملنے پر روپے پر دباؤ کم ہوا ہے۔ ڈالر کی قدر گزشتہ کچھ روز سے مستقل بڑھ رہی تھی اور گزشتہ ہفتے ڈالر تاریخ کی بلند ترین سطح 175 روپے 27 پیسے پر پہنچ گیا تھا۔

اس خبر پر اپنی رائے کا اظہار کریں

اپنا تبصرہ بھیجیں