کوئٹہ (نیوزمارٹ ڈیسک)سابق وزیرِ خزانہ اور مسلم لیگ ن کے رہنما مفتاح اسماعیل کا کہنا ہے کہ پاکستان اس لیے نہیں بنایا تھا کہ لوگ غربت میں زندگی گزاریں. اس سال پاکستان کو 21 ارب ڈالر واپس کرنا ہیں۔مسلم لیگ ن کے رہنما کا کہنا ہے کہ آئی ایم ایف کو واپس لائے تو ڈیفالٹ کا خطرہ ٹل گیا، گزشتہ 4 ماہ میں جو ہوا اس سے افسوس ہوا، آئی ایم ایف سے اب بات چیت شروع ہو گئی ہے جو خوش آئند ہے۔۔کوئٹہ پریس کلب میں مسلم لیگ ن کے رہنما مفتاح اسماعیل نے شاہد خاقان عباسی، مصطفیٰ نواز کھوکھر اور لشکری رئیسانی کے ہمراہ پریس کانفرنس کرتے ہوئے کہا کہ عوام کو مشکلات کا سامنا ہے، ریاست کو چاہیے کہ ڈائیلاگ شروع کیا جائے۔انہوں نے کہا کہ ڈائیلاگ سے پہلے اعتماد کی فضاءپیدا کی جائے تاکہ بحرانوں سے نکل سکیں، بات چیت کے ذریعے مسائل کو حل کرنا چاہیے۔لشکری رئیسانی کا کہنا ہے کہ مولانا ہدایت اللّٰہ سمیت تمام کے کیسز واپس لیے جائیں اور گوادر کے عوام کے مطالبات پورے کیے جائیں۔
13
