66

نیپراکا ملک بھر میں بجلی کے بریک ڈاون کا نوٹس ،این ٹی ڈی سی سے رپورٹ طلب

اسلام آباد (نیوزمارٹ ڈیسک )نیشنل الیکٹرک پاور ریگولیٹری اتھارٹی (نیپرا )نے ملک میں ہونے والے بجلی کے بریک ڈاون کا نوٹس لے لیا۔ نیپرا کی جانب سے جاری اعلامیے میں کہا گیا ہے کہ ملک میں ہونے والے بریک ڈاون کا نوٹس لیتے ہوئے نیشنل ٹرانسمیشن اینڈ ڈسپیچ کمپنی (این ٹی ڈی سی) سے رپورٹ طلب کر لی ہے۔ اعلامیے میں مزید کہا گیا ہے کہ 2021 اور 2022 میں بلیک آٹ اور ٹاور گرنے کے واقعات پر جرمانے کر چکے ہیں، مستقبل میں ایسے واقعات کو روکنے کے لیے نیپرا مسلسل ہدایات، سفارشات جاری کرتا رہا ہے۔ یاد رہے کہ پیر کی صبح ساڑھے 7 بجے کے قریب کراچی اور اسلام آباد سمیت ملک بھر میں بجلی کا بڑا بریک ڈان ہوا تھا جس کے بعد بحالی کا کام جاری ہے۔

اس خبر پر اپنی رائے کا اظہار کریں

اپنا تبصرہ بھیجیں