فیصل آباد(نیوزمارٹ ڈیسک)فیصل آباد سے پاکستان تحریک انصاف (پی ٹی آئی) کے رہنما فرخ حبیب کے خلاف شیخوپورہ میں مقدمہ درج کر لیا گیا۔فرخ حبیب کے خلاف تھانہ فیروز والا میں وفاقی پولیس کے افسر عدیل شوکت کی مدعیت میں مقدمہ درج کیا گیا۔ فرخ حبیب کے خلاف مقدمے میں ڈکیتی اور ملزم کو چھڑانے کی دفعات شامل کی گئی ہیں۔ ایف آئی آر کے متن میں کہا گیا ہے کہ ملزم فواد چوہدری کو سفری ریمانڈ پر اسلام آباد روانہ ہوتے ہوئے کالا شاہ کاکو ٹول پلازہ پر کچھ لوگوں نے انٹری پوائنٹس پر گاڑیاں لگا کر راستہ روک لیا۔ فواد چوہدری کو لاہور ہائی کورٹ بلا رہی ہے، ہم عدالتی احکامات کی خلاف ورزی نہیں کرنے دیں گے۔ لاہور ٹول پلازہ پر فرخ حبیب سکیورٹی اداروں کی گاڑیوں کے سامنے آ گئے اور کہا کہ گاڑی میرے اوپر سے جائے گی۔
54
