لاہور(سپورٹس ڈیسک)پاکستان سپر لیگ کی چیمپئن لاہور قلندرز کے بیٹر فخر زمان نے کہا ہے کہ ان کا گول اس سیزن میں ٹاپ اسکورر بننا اور اپنی کارکردگی سے قلندرز کو جتوانا ہے،لاہور قلندرز کے ٹریننگ کیمپ کے موقع نجی ٹی وی سے گفتگو کرتے ہو ئے فخر زمان نے کہا کہ پی ایس ایل سے قبل کیمپ میں بڑی اچھی تیاری کرنے کا موقع ملا ہے، نیٹ سیشنز کے بعد میچز بھی کھیلے ہیں جس دوران کھلاڑیوں کو ایک دوسرے کو جاننے کا موقع ملا ہے جس کا پی ایس ایل میں فائدہ ہوگا،فخر زمان نے کہا کہ میں انجری سے واپس آیا ہوں اس لیے کوشش یہی تھی کہ وکٹ پر زیادہ زیادہ کھیلوں، وقت گزاروں تاکہ گیند بیٹ پر آئے، انٹر نیشنل کرکٹ اور لیگز میں تسلسل کے ساتھ کھیل رہے ہیں ان کی وجہ سے فائدہ ہو گا،کرکٹر کا کہنا تھا کہ ہم خوش قسمت ہیں کہ ہمارا بولنگ اٹیک بہت شاندار ہے ، سکندر رضا اور راشد خان اٹیک میں شامل ہیں، شاہین آفریدی اور حارث رف کی پوری دنیا میں دھوم ہے،گزشتہ سیزن جیسی ہی کارکردگی دہرائیں گے ۔
28
