اسلام آباد(نیوزمارٹ ڈیسک) سابق وزیر اعظم شاہد خاقان عباسی نے چیئرمین پاکستان تحریک انصاف عمران خان کو فوری جیل میں ڈالنے کی مخالفت کردی،نجی ٹی وی سے گفتگو میں شاہد خاقان عباسی نے کہا کہ اگر عمران خان نے کچھ کیا ہے تو میں کسی کو جیل میں ڈالنے کے حق میں نہیں، آپ نے جو الزام لگانے ہیں لگائیں اور روزانہ کی بنیاد پر ٹرائل کریں، اس معاملے کو مکمل کرکے اگر عمران خان نے کچھ کیا ہے تو سزا دیں،شاہد خاقان نے کہا کہ عمران خان نے بہت سے غلط کام کیے ہیں، عمران خان خود غلطیوں کا اعتراف کرتے ہیں، عمران خان نے خود باتیں کی ہیں جس کی کوئی حد نہیں، میں سنی سنائی باتوں کا نہیں ان کے اعتراف کا ذکر کر رہا ہوں، عمران خان خود اعتراف کرتے تھے کہ میں نے فلاں کو جیل میں ڈالا فلاں کو پکڑا،انہوں نے سوال اٹھایا کہ عمران خان کو کس نے مقدمے بنانے کا اختیار دیا تھا؟ اصولی بات ہے کہ کسی بھی سیاستدان کو جیل میں ڈالنے کا اختیار آپ کے پاس نہیں ہونا چاہیے کیونکہ یہ اختیار انتقام بن جاتا ہے،سابق وزیراعظم نے کہا کہ 50سال میں 73کے آئین کے تحت جونیجو کے علاوہ تمام وزرائے اعظم جیل گئے، شاہد خاقان نے کہا کہ مریم نواز آئی تھیں، مجھے اسلام آباد کنونشن میں دعوت نہیں دی گئی تھی، یہ اسلام آباد کا کنونشن تھا میں پنڈی ڈویژن کا ہوں، 19فروری کو مریم پنڈی ڈویژن میں آئیں گی میں وہاں جاﺅں گا۔
50
