26

کچھ عدالتی مجرم اور بھگوڑے پاکستان کی جگ ہنسائی کاباعث بن رہےہیں، فردوس عاشق اعوان

وزیراعلیٰ پنجاب کی معاون خصوصی برائے اطلاعات ڈاکٹر فردوس عاشق اعوان نے کہا ہے کہ کچھ عدالتی مجرم اور بھگوڑے پاکستان کی جگ ہنسائی کا باعث بن رہےہیں۔

تفصیلات کے مطابق وزیراعلیٰ پنجاب کی معاون خصوصی برائے اطلاعات ڈاکٹر فردوس عاشق اعوان نے سماجی رابطے کی ویب سائٹ ٹویٹر پر اپنے ایک پیغام میں کہا کہ ملکی معاملات میں غیر ملکی قوتوں کی مداخلت کی کوئی گنجائش نہیں، وزیراعظم نے اس کاعملی مظاہرہ امریکا کو اپنی سرزمین نہ دینےکے اعلان سےکیا۔

اپنے پیغام میں وزیراعلیٰ پنجاب کی معاون خصوصی نے کہا کہ دنیا بھر میں وزیر اعظم عمران خان کی بہادری اور امریکا سے متعلق تگڑا مؤقف لینے کا چرچا ہے لیکن اپوزیشن کو اس پر بھی سانپ سونگھ گیا ہے۔

ڈاکٹر فردوس عاشق اعوان نے یہ بھی کہا کہ اپوزیشن اپنی خفت مٹانے کیلئے نیا بیانیہ گھڑ رہی ہے جبکہ کچھ عدالتی مجرم اور بھگوڑے پاکستان کی جگ ہنسائی کاباعث بن رہے ہیں۔

وزیراعلیٰ پنجاب کی معاون خصوصی برائے اطلاعات ڈاکٹر فردوس عاشق اعوان نے مزید کہا کہ پاکستان عمران خان کی قیادت میں کھویا ہوا تشخص پھر حاصل کر رہا ہے۔ عالمی سطح پر پاکستان عزت ووقار کا مقام دوبارہ حاصل کررہا ہے۔

اس خبر پر اپنی رائے کا اظہار کریں

اپنا تبصرہ بھیجیں