34

جوہر ٹاؤن دھماکے میں بھارتی ایجنسی را اورافغان ایجنسی این ڈی ایس ملوث ہونے انکشاف

لاہور(نیوزمارٹ ڈیسک) جوہر ٹاؤن دھماکے میں ملوث تمام نیٹ ورک پکڑا گیا، ذرائع کا کہنا ہے کہ دھماکے کے پیچھے بھارتی ایجنسی را اورافغان این ڈی ایس کا ہاتھ بتایا گیا ہے‌۔

تفصیلات کے مطابق ذرائع کا کہنا ہے کہ جوہر ٹاؤن دھماکے میں ملوث تمام نیٹ ورک پکڑا گیا ، سی ٹی ڈی نےلاہور،کراچی، جھنگ اور راولپنڈی سےملزمان کا سراغ لگایا، دھماکے کے پیچھے بھارتی ایجنسی را اورافغان این ڈی ایس کا ہاتھ بتایاگیاہے، دھماکے کا مقصد ایف اے ٹی ایف اجلاس متاثر کرنا تھا۔

وزیر اعلی پنجاب پریس کانفرنس میں جوہر ٹاؤن دھماکے کی پیشرفت سے آگاہ کریں گے۔

اس سے قبل وزیراعلیٰ پنجاب عثمان بزدار کی سربراہی میں اجلاس ہوا ، اجلاس میں بریفنگ دیتے ہوئے بتایا کہ سانحہ جوہر ٹاؤن کے مرکزی ملزمان گرفتارکرلئےگئے، جس پر وزیراعلیٰ عثمان بزدار نے دہشت گردوں اور ملزمان کی فوری گرفتاری کو سراہا۔

اجلاس میں گاڑیاں جوہرٹاؤن پہنچنے سے متعلق وزیراعلیٰ پنجاب کو تفصیلی بریفنگ بھی دی گئی، جس کے بعد عثمان بزدار نے ڈیوٹی میں غفلت برتنے والے ملازمین کے خلاف کارروائی کی منظوری دے دی۔

وزیراعلیٰ پنجاب سردار عثمان بزدار اہم پریس کانفرنس میں کارروائیوں اور گرفتاریوں سےمتعلق آگاہ کریں گے ، پریس کانفرنس میں وزیر قانون پنجاب،چیف سیکرٹری، ودیگرشریک ہوں گے

اس خبر پر اپنی رائے کا اظہار کریں

اپنا تبصرہ بھیجیں